Obxectivo do applet

Este applet permite resolver un sistema de ecuacións mediante o método de Gauss, podendo ver o resultado por Gauss, ou directamente a obtención das solucións.

Ofrece tamén a posibilidade de obter a matriz inversa da indicada, a través do método Gauss-Jordan. Ao igual que o caso anterior, permite ver o resultado dos procesos de Gauss e de Jordan, así como o resumo final coa solución.

Datos de entrada

Resolución do sistema AX=B

• Matriz de coeficientes, A
• Vector de termos independentes, B

Cálculo da matriz inversa

• Matriz de coeficientes, A

Para ambos os dous casos, o botón Calcular do bloque correspondente despregará os bloques de Gauss, Jordan se procede, e a solución.

O usuario poderá indicar a orde da matriz, así como o número de díxitos das celas, dende o bloque de Configuración.

Datos de saída

O applet presentará, no bloque que corresponda, os seguintes datos:

• resultado da aplicación de Gauss
• resultado da aplicación de Jordan, se procede
• solución buscada

Se se introduciu algún dato mal na matriz de entrada, éste será resaltado cun borde vermello.

O applet tamén avisará ao usuario se introduciu un sistema incompatible ou compatible indeterminado.

Primeiros pasos

• Escribe un sistema 3 de ecuacións que teña unha única solución.
• Constrúe un sistema cuxa solución sexa (1,2,3). Calcula a matriz inversa de A e verifica que ao multiplicala polo vector de termos independentes obtes a solución.
• Encontra un sistema que non sexa compatible determinado e outro cuxa única solución sexa (0,0,0).